మాణిక్యాంచిత భూషణాం మణిరవాం మాహేంద్రనీలోజ్వలాం |
మందారద్రుమ మాల్యభూషితకుచాం మత్తేభకుంభస్తనీమ్ ||
మౌనిస్తోమనుతాం మరాళ గమనాం మాధ్వీరసానందినీం |
ధ్యాయేచ్చేతసి కాళహస్తి నిలయాం జ్ఞానప్రసూనాంబికామ్ ||
శ్యామాం రాజనిభాననాం రతిహితాం రాజీవ పత్రేక్షణాం|
రాజత్కాంచన రత్నభూషణయుతాం రాజ్యప్రదానేశ్వరీమ్||
రక్షోగర్వ నివారణాం త్రిజగతాం రక్షైక చింతామణీం|
ధ్యాయే చ్చేతసి కాళహస్తి నిలయాం జ్ఞానప్రసూనాంబికామ్||
కల్యాణీం కరికుంభ భాసురకుచాం కామేశ్వరీం కామినీం|
కల్యాణాచల వాసినీం కలరవాం కదర్ప విద్యాకళామ్||
కంజాక్షీం కళబిందు కల్పలతికాం కౌమారి చిత్తప్రియాం|
ధ్యాయే చ్చేతసి కాళహస్తి నిలయాం జ్ఞానప్రసూనాంబికామ్||
భావాతీత మనప్రభావ భరితాం బ్రహ్మాండ భాండోదరీం|
బాలాం బాలాకురంగ నేత్ర యుగళాం భానుప్రభాభాసితామ్||
భాస్వక్షేత్ర రుచాభిరామ నిలయాం భవ్యాం భవానీం శివాం||
ధ్యాయే చ్చేతసి కాళహస్తి నిలయాం జ్ఞానప్రసూనాంబికామ్||
వీణాగాన వినోదినీం విజయినీం వేతండ కుంభస్తనీం|
విద్వద్వందిత పాదపద్మ యుగళాం విద్యా ప్రదాం శాంకరీమ్||
విద్వేషిణ్యరిభంజనీం స్తుతిభవాం వేదాంత వేద్యాం శివాం|
ధ్యాయే చ్చేతసి కాళహస్తి నిలయాం జ్ఞానప్రసూనాంబికామ్||
నానాభూషిత భూషణాది విమలాం లావణ్య పాధోనిధిం|
కాంచీచంచల ఘంటికా కలరవాం కంజాత పత్రేక్షణామ్||
కర్పూరాగరు కుంకుమాంకిత కుచాం కైలాసనాథప్రియాం|
ధ్యాయే చ్చేతసి కాళహస్తి నిలయాం జ్ఞానప్రసూనాంబికామ్||
మంజీరాంచిత పాదపద్మ యుగళాం మాణిక్యభూషాన్వితాం|
మందారద్రుమ మంజరీ మదుఝురీ మాధుర్య ఖేలద్గిరం||
మాతంగీం మధురాలసాం కరశుకాం నీలాలకాలంకృతాం|
ధ్యాయే చ్చేతసి కాళహస్తి నిలయాం జ్ఞానప్రసూనాంబికామ్||
కర్ణాలంబిత హేమకుండల యుగాం కాదంబ వేణీముమా|
మంభోజాసన వాసవాది వినుతా మర్థేందుభూషోజ్జ్వలామ్||
కస్తూరీ తిలకాభిరామనిటలాం గానప్రియాం శ్యామలాం|
ధ్యాయే చ్చేతసి కాళహస్తి నిలయాం జ్ఞానప్రసూనాంబికామ్||
కౌమారీం నవపల్లవాంఘ్రి యుగళాం కర్పూర భాసోజ్జ్వలాం|
గంగావర్తసమాన నాభికుహరాం గాంగేయ భూషాన్వితామ్||
చంద్రార్కానల కోటికోటి సదృశాం చంద్రార్క బింబాననాం|
ధ్యాయే చ్చేతసి కాళహస్తి నిలయాం జ్ఞానప్రసూనాంబికామ్||
బాలాదిత్య నిభాననాం త్రినయనాం బాలేందునాభూషితాం|
లీలాకార సుకేశినీం విలసితాం నిత్యాన్నదానప్రదామ్||
శంఖం చక్రవరాభయం చ దధతీం సారస్వతార్థ ప్రభాం|
తాం బాలాం త్రిపురాం శివేన సహితాం ధ్యాయామి మూకాంబికాం||